مساء الجرح..يااجمل جروحي..وينها دنياك.؟
بكى... وجه المكان اللي تعود طلة جبينك
زوايا غرفتي..عطرك..وقلبٍ يرتجي لقياك
ودفتر.. يحتضن احلى الاماني واجمل سنينك..
تغيب ولايغيب بداخلي..{حبك..ولاذكراك}
ويكسر هيبتي نفس السؤال..واحتضر..وينك؟
اسافر عنك..اتغرب..اعاند حبك وانساك..
وتاخذني الدروب بغربتي.. لاقرب عناوينك..
وانام من الالم واصحى على صوتك..ولاالقاك..
وألاقي هالزمان اللي.. وقف.. مابيني وبينك..
وأظل بحيرتي تايه..هنا نصفي..ونصفي هناك..
وأكبر ذنب سويته..( زرعت الروح في طينك)
شريتك يوم هالعالم..رخصك وللألم ..خلااااااااك
رضيت العيش في صحراء..لجل اروي بساتينك
حبيبي كان هو قصدك..تحطم عاشقٍ يهواااااااااك
وتزرع في ظلوع اللي يحبك...نصل سكينك...
وهبتك روحي ياعمري..وأكيد..ان الجسد يفداك
وحاسب ...قبل لاتطعن..أخاف ..تجرح يدينك..!
حلاة الموت ياحبي..اذا يوصل ...على يمنااااااااااك..
ترى اجمل شرف اني..اموت بطعنة...يمينك..
ولو طال العمر..بكتب..{احبك}..في سما دنياك
ويبقى هالسؤال اللي كسرني..للأسف..ويــــــنك؟
موضوع: مساء الجرح..ياأجمل جروحي ..وينها دنياك..؟! 
