كيف يمكننا مساعده أهلنا في غزه

لا اله الا الله
غزه تحترق
والكل في سكون وصمت زاد عن الحد
الى متى سنظل هكذا
انحن مع الشيطان الاخرس الساكت عن الحق!!!

الكل بيقول ان احنا مش بايدنا حاجه نعملها
لا انا عندي حاجات عايزه اقولهالكم ممكن نعملها
صحيح ملهاش اثر اوى
بس هنحاول نعملها
عشان نبقي ابرياء فعلا من دم الشهداء

اولا ننشر القضيه الفلسطينيه
وننشر اللى بيحصل في غزه للعالم كله
يعنى ممكن نقدر نبعت ايميلات لاصحابنا واصحبهم وهكذا فيها الاوضاع في غزه ونعرفهم مين الظالم ومين الارهابي

تانيا نعمل مقاطعه للمنتجات الامريكيه واليهوديه
لان احنا لما بنشتري المنتجات دي كاننا احنا اللى قتلنا اطفال وشعب غزه
لان المنتجات دي اميريكيه وامريكا بتساهم مع اليهود بالاسلحه
واحنا لما نشتريها يبقي بنصوب الرصاصه في قلب اخوانا

ثالثا نتبرع بالدم والفلوس
للهلال الاحمر ونقابه الاطباء
لان المساعدات دي هتوصل ان شاء الله لاخوانا في غزه

رابعا اننا ندعى
ندعى ربنا يقويهم وينصرهم
وينتقم من العدو الظالم الجبار
ندعى من قلوبنا
لربنا
ربنا قوى وكبير
واقوي من اى عدو للدين والمسلمين
ادعوا من قلوبكم وخلي عندكم امل في نصر الله فانه قريب باذن الله

خامسا احنا ممكن نكلم اهل غزه ونطمنهم ان احنا معاهم وان ربنا هينصرهم
ونقولهم كلام يطمنهم ويرفع من معنوياتهم
هاتوا رقم الكود بتاع فلسطين وجربوا اى 5 او 6 ارقام


ده رايي في اللى ممكن نعمله
واللى عنده اى مقترح تانى ياريت يقوله
؟؟

معلش يا جماعه انا كتبت الموضوع هنا بالغلط
ياريت حد ينقله لمتفرقات قصر الحب

شكرا كتير لموضوعك سمر
وانا كنت بدي وصل هي الفكرة للاعضاء بس ما لقيت حدا يرد على كلامي
شكرا كتييييييييير الك

مرسى كتير سمر على افادتك
وياريت كل لما تعرفى وسيلة تقوليها فورا

وربنا ينصرهم وينصر كل العرب

ميرسي جانا وسعد على المرور
ياريت حد يحطلى مقترحاته
انا عندي فكره جديده
هعملها اول لما اخد الاجازه ان شاء الله
هروح ازور المصابين اللى نقلوهم عندنا في مصر
على الاقل نساندهم معنويا
ونوصلهم ان احنا مش ساكتين وان احنا كلنا اخوان
ونرفع من معنوياتهم
جانا ايه رايك لو تيجى معايا؟؟