الشعر بنكهه عراقيه مية الميه ؟

ابوذيات او دارمي عراقي
_
شعجب دفترعشكنه ماتكلبه
وليش أنته اليكلبك ماتكلبه
ترى كلبي بغيابك مات كلبه
كلب كلبي توفه وعم عليه
بهجرك راح عكلي مالفاني
وجثير اشعار لجلك مالفاني
رحت آركض بهيمه مالفاني
ادور اعليك يل رحت من اديه
أعذره الكلب من يزهك وحكلاه _حكله دومكم فوكه وحكلاه_أنه أدري لوطحت يمكم وحك لاإله اللاه وتكطعون بيه
تغيب الروح بغيابك ورده
كتاب جفاك من عندي ورده
روحي بفرقتك يذبل ورده
ماي انته وترد الروح بيه
وحق رمضان وصيامه ولمساك
ابد ما ملن صباحك ولمساك
يسويهة البخت خايب ولمساك
احس الجنة صارت بين ادية
يدهري شبيك تركص ركص شدج_عله روحي بيوم صحتي نكطع شدج_صرت منخل من الطعنات شدج_ وأغربل بس خناجرتدري بيه
جرحك مابره ولادار حوله
بدليلي ومن بديت الشرك حوله
___(الوكت ينظر عليه بعين حوله
سلب روحي وطلع مشتبه بيه
اصد وزعل ودير العين طبعن بسبب لجمات لك بلكلب طبعن حلو وتبنحب لكن بيك طبعين تشك وتغار من روحي علية
بعدكم تارك بكلبي ورم شاك علاجي بنظرة عيونك ورمشك احبنك وحب امشي ورمشاك وصلتك بعد خل نمشي سويه
دوم انشد عليك الراح والرد الوفة منك نبع ولطيب ورد ردت منك جواب لهاي والرد اعز الناس مايسأل عليه
اوليفي الجان تحت امري تراها§ محنتي وعينه الصلفه تراها§كل هاذا وبعد روحي تراها§تود شماعمل وياها اذيه
عيون الكلب يوم جفاك يدمن..عفتني وصافحت ياترف يد من..أنا المثلي علي الدمعات يدمن..عسى أنسى هواك شعمل بيه
غصب أنزل دمع عيني .وسيله
لان مالي على اوصالك .وسيله
تهاك أخذالكلب بيدك.وسيله
يخبرك بلجره منك عليه
عيني من الزغردمعي نغمهةوروحي مابعد يطرب نغمهة الدنيا خلاف عشرتكم نغمهة مثل موتةانتمشةعلى الوطية
لحد الموت أحبنك وريدك وعسه دمي دخل يسمروريدك حياتي وموتي يمدلل وريدك ارد احيا وترد الموت اليه
وجنتك احبك واقبل بنارك وجنتك ؟وسودني رمش عينك وجنتك ؟عرش بلغيس بنهودك وجنتك ؟ اظل وياك مامل منيه
على سنيني الدهر بدموع خطك
واگص الرجل كون تعبر خطك
شوآنه اتصل مشغول خطك
أثاري أثنينه نخابر سويه
سجاجين الوكت بحشاي بردان
حزني وصرت بالصيف بردان
صرت مجبور اشد اردان بردان
ولا امد للشماته اجفوف ايديه
اموت بطاري حبك واصطلب بيك! وانه الكظيت عمري وسط لبك! الف لبيك اصيحن وسط لبيك! ولالبيك انته ترد عليه
مرضه بحبك وحبك...(شفانه ) وتسامرنه ولاواحد...(شفانه ) تذكر يوم من طنكن..(شفانه) احس ارض وسمه انطبكن سو

مشكور

مرسى كتييير كتييير
استاذ صابر
لك منى اجمل تحية

شكرا سيدي
الشعر جميل واكيد بالهجة العراقية رح يصير اجمل
تحياتي
تقبل مروري
سمارة